vCatch severip ajutoornera pilllugu ilisimatitsissut

Qitiusumik allaffissuarmi isumannaallisaanerup ajutoornera aamma allaffimmi serverit nunamit namminermut avammullu attaveqarnerup unitsinneqarnera pissutigalugit vCatch atorlugu nalunaarutinik nassitsisoqarsinnaanngilaq.

Angalagussi vCatchimilu nalunaarsuineq ingerlatiinnarsavarsi taamaaliortoqaqqissinnaalerpallu nassiullugit. Umiarsualivimmut tikkikkussi umiarsualivik tikiffissaq nalinginnaasunik immersussavarsi, kisiannili serverimut attaveqarsinnaatinnagu inaarutaasumik nassitsisoqarsinnaanngilaq angalanerullu naammassinera nalunaarutigalugu. Nalunaarutit nassiunneqaqqissinnaalerpata angalanerup naammassinera nalunaarutigineqassaaq angalanerlu nutaaq pillugu aallarnermit paasissutissat eqqortut atorlugit aallarneq nalunaarutigineqassalluni. Piffissaq atuutilersiffik aatsaat ulloq 30. april naammassisussaammat siusinnerusukkut kalinnerit/ingerlatsinerit/pisat nalunaarsoqqinnissaat imaluunniit piffissami serverimut attaveqaqqilersinnaanermit aallarteqqittoqarniarnersoq nammineq aalajangerneqassaaq.

Serverimut attaveqaqqittoqarsinnaalerpat https://www.gflk.gl allaqqassaaq.

Annertunerusumik paasisaqarusukkussi Kalaallit Nunaanni Aalisarsinnaanermut Akuersissutinik Nakkutiliisoqarfik attaveqarfigisiuk, oqarasuaat 34 50 00 imaluunniit e-mailikkut gflk@nanoq.gl

Scroll to Top