Aqutsiveqarfimmi Kitaata kujataani inuussutissariutigalugu aalisartut kapisilinniarnerat augusti 22-ianni 2022-mi unitsinneqassaaq.

Kalaallit Nunaanni Aalisarsinnaanermut Akuersissutinik Nakkutilliisoqarfup nalunaarutigaa aqutsiveqarfimmi Kitaata kujataani inuussutissarsiutigalugu aalisartunut kapisilinniarneq augusti 22-ianni 2022-mi unitsinneqassasoq, pisassiissutit nungunneqalermata.

Kapisilinnut qassutit tamarmik inuussutissarsiutigalugu aalisartunit pigineqartut aqutsiveqarfimmi pineqartumi kingusinnerpaamik ulloq aalisarnerup unitsinneqarfiani qaqinneqariissapput nalunaaqutaq 23.59 nallertinnagu.

KANUAANA aammaarluni kaammattuivoq aalisartut pisatik piaarnerpaamik nalunaarutigisassagaat. Erseqqissaatigineqassaaq akuersissuteqartoq aalisariarsimanngikkaluarluni pisaqarsimanngikkaluarluniluunniit aamma nalunaaruteqartussaammat. Septembarip 6-ianni 2022-mi kingusinnerpaamik nalunaaruteqartoqassaaq. Septembarip 6-ianni 2022-mi kingusinnerpaamik nalunaaruteqartoqanngippat, 2023-mi kapisilinniarsinnaanermut akuersissummik tunineqartoqarsinnaanngilaq.

Kapisilittat pillugit paasissutissat amerlanerusut nittartakkami Sullissivik.gl-imi atuarneqarsinnaapput.

Annerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl

Scroll to Top