Aalisariutinut nakkutilliineq
Siunissami piujuartitsinermik tunngaveqarluni aalisartoqarnissaa anguniarlugu, aalisalinnginnermi inatsisit malinnissai pingaaruteqarpoq.
Aalisarnermut nakkutilliineq napasulianik pingasunik tunngaveqarpoq: Alapernaarsuineq, Nakkutilliineq Misissuinerlu1.
Aalisarfinni assigiinngitsuni alapernaarsuinermi aalisakkanik pisuussutinik atuineq, tassunga ilanngullugit aalisarnerni assigiinngitsuni pisassiissutinit qaqinneqartut ingerlaavartumik misissorneqartarput.
Matuma ataani pisuussutinik uumassusilinnik nakkutilliineq inatsisitigut piumasaqaatit tunngavigalugit ingerlanneqarpoq.
Aalisarnermik misissuinermi aalisarnermik ingerlatsinerit assigiinngitsunik nakkutilliivigineqartarput, assersuutigalugu avataasiorluni kilisaatini alapernaarsuisoqartarpoq imaluunniit sinerissap qanittuani aalisarfiusuni nakkutilliisunik najuuttoqartarluni.
KANUAANA oqartussaasuuvoq kalaallit aalisarnerinik nakkutiginninnermik qulakkeerinnittussaq.
Qulequttani ataaniittuni aalisarfinnut tunngatillugu inatsisit atuuttut atuarsinnaavatit.
1 Paasissutissiisoq: FAO 2000, http://www.fao.org/3/Y3274E/y3274e0g.htm
Aamma atuaruk ...
Aalisarnermik, piniarnermik aallaaniarnermillu nakkutilliineq
Aalisarnermik, piniarnermik aallaaniarnermillu KANUAANA-p nakkutilliinermi suliai pillugit uani atuarsinnaavatit.
Aalisariutinik alapernaarsuineq
KANUAANA-p qaammataasakkut atortut iluaqutigalugit aalisariutit alapernaarsugarai. Angallatit aalajangersimasut inuussutissarsiutigalugu aalisarnermik ingerlatsiniarunik alapernaarsuinermut atortunik ikkussuinissamut pisussaaffeqarput
Aalisariutit inuttalersugaanerat
Uani kalaallit aalisariutaanni inuttat pillugit malittarisassat atuuttut atuarsinnaavatit
Nakkutilliinermi kisitsisit
KANUAANA-p suliai pillugit kisitsisit uani nassaarisinnaavatit. Nakkutilliinermi kisitsisit qaammatit pingasukkuutaarlugit naatsorsorneqartarput paasissutissallu piareeraangata nutarterneqartarlutik.
