Aalisariutinik alapernaarsuineq

KANUAANA-p qaammataasakkut atortut iluaqutigalugit aalisariutit nakkutigisarai. Angallatit aalajangersimasut inuussutissarsiutigalugu aalisarnermik ingerlatsiniarunik alapernaarsuinermut atortunik ikkussinissamut pisussaaffeqarput.
Piumasaqaatit uku arlaat minnerpaamik ataaseq naammassigukku alapernaarsuinermi atortunik ikkussissaatit:

  • Angallatit 50 BRT/90 BT-itut angissususeqarpat angineruppalluunniit (angallatip imartussutsimut uuttuutaa malillugu),
  • Angallammi tunisassiornissamut akuersissuteqaruit angallativit angissusaa apeqqutaatinnagu,
  • Kalaallit Nunaata aalisarnikkut oqartussaaffigisaani aalisariummiit aalisakkanik imaluunniit aalisakkanik tunisassianik usilersoruit, angallativit angissusaa nunamiluunniit suminngaanneernera apeqqutaatinnagit,
  • Nunat tamalaat imartaanni imartanilu nunat allat oqartussaaffigisaanni aalisaruit,
  • Angallatit kalaallinit pigineqanngippat aamma Kalaallit Nunaata aalisarnikkut oqartussaaffigisaani aalisaruit.

Angallatinik alapernaarsuinermut atortunut, ikkussornerinut atorneqarnerinullu inatsisitigut pisussaaffiusunut illit piginnittutut akiliissaatit. Atortut ikkussornissaannut najoqqutassiat pillugit annertunerusumik uani atuakkit.
Angallatinik alapernaarsuinermut atortunik ikkussiguit peerukkilluunniit tamanna KANUAANA-mut nalunaarutigissavat. Taamaaliussaatit uppernarsaammik immersuinikkut, uppernarsaat uani aasinnaavat.

 

Sinerissamut qanittuni aalisarnermik alapernaarsuinermi atortut

Sinerissamut qanittumi aalisarnermi atortut ARGOS, LEO, SiriusOne imaluunniit WatchDog atussavat. O.S.  Electronic A/S, atortunik ARGOS, LEO, WatchDog imaluunniit SiriusOne niuertuuvoq (www.os.gl).

Sinerissamut qanittumi aalisarnermut atortut akuerisaasut:

  • CLS-LEO
  • Sirius One: SIR 10-4

Angallammi Argos transcieverilinnik angallataatilinnut:
CLS, Argos trascieverinik neqerooruteqartoq nalunaaruteqarpoq TELNET ulloq 31.

Marsi 2022 atorunnaassasoq.

Tamassuma kinguneraa sumiissutsimik KANUAANAmut nammineq nalunaaruteqartut
atorlugit ullormit taassuminnga nalunaaruteqartoqarsinnaajunnaassasoq, angalltillu
(50BRT/90BTmit anginerusut) nammineq nalunaaruteqartartut atorlugit
sumiissutsiminnik KANUAANAmut nalunaaruteqartussaatitaasut transcieveritik
taarsissagaat.

Avataasiorluni aalisarnermik alapernaarsuinermi atortut

Avataasiorluni aalisarnermi Inmarsat C atussavat.

Inmarsat C-mut atortunut DNID-p pissarsiarinissaanut akuersissummik qinnuteqassaatit.

Qinnuteqarnissamut immersugassaq uaniippoq.

Avataasiorluni aalisarnermut atortut akuerisaasut:

  • Inmarsat C: TT-3022D, TT-3026L, TT-3026S taamaaqataalu TT-meersut,
  • Furuno: Felcom imaluunniit Trimble
  • Sirius One: SIR 10-4
  • CLS-LEO

Aamma malugiuk angallatit 17 meterinik tamakkiisumik anginerupput (aamma
1/8/2023miit 15 meterinik tamakkiisumik anginerupput) elektroniskinngorlugu logbogi
(ERS) 31.
Marsi 2022miit immersortassagit.

Kalaallit Nunaata aalisarnikkut killeqarfiata avataani aalisaruit alapernaarsuinermi atortup illit sumiiffiit oqartussatut attuumassuteqartunut ingerlaannartumik nassiutissavaa. Teknikkikkut ajutoornermi sumiiffiit e-mailikkut KANUAANA-mut nassiussuunneqassapput.
Nunani ataasiakkaani nunallu tamalaat oqartussaaffigisaanni maleruagassat atuuttut erseqqinnerusumik ilisimasaqarfiginissaannut pisussaaffeqarputit.

Aamma atuaruk ...

Aalisarnermik, piniarnermik aallaaniarnermillu nakkutilliineq

Aalisarneq, piniarneq aallaaniarnerlu pillugit KANUAANA-p nakkutilliinermi suliai pillugit uani atuarsinnaavatit.

Aalisariutinik alapernaarsuineq

KANUAANA-p qaammataasakkut atortut iluaqutigalugit aalisariutit alapernaarsugarai. Angallatit aalajangersimasut inuussutissarsiutigalugu aalisarnermik ingerlatsiniarunik alapernaarsuinermut atortunik ikkussuinissamut pisussaaffeqarput

Aalisariutit inuttalersugaanerat

Uani kalaallit aalisariutaanni inuttat pillugit malittarisassat atuuttut atuarsinnaavatit

Tulaassinermik nakkutilliineq

Kingusinneruskkut ikkunneqassaaq…

Nakkutilliinermi kisitsisit

KANUAANA-p suliai pillugit kisitsisit uani nassaarisinnaavatit. Nakkutilliinermi kisitsisit qaammatit pingasukkuutaarlugit naatsorsorneqartarput paasissutissallu piareeraangata nutarterneqartarlutik.

Scroll to Top