Aalisariutit inuttalersugaanerat

Angallatit kalaallinit pigineqarpat angallatillu usitussutsimik allagartaa malillugu 24 meterinit tamakkiisumik angineruppat, angallatip inuttalersornera pillugu immikkut piumasaqaateqarmat eqqumaffigissavat.

Tassani atuupput:

  • angallammi aqumiut minnerpaamik 60 %-ii Kalaallit Nunaanni najugaqartutut inuit  nalunaarsorsimaffianni nalunaarsorsimassasut, Kalaallit Nunaannilu inuit aqqisa nalunaarsorsimaffianni qaammatisiutit ukiuini kingullerni marlunni nalunaarsorsimassallutik. Inuit pineqartut tamarmik Kalaallit Nunaannut tamakkiisumik akileraartartussaatitaassapput, qaammatisiutillu ukiuini kingullerni marlunni Kalaallit Nunaanni tamakkiisumik akileraartartussaatitaasimassallutik.
  • Inuttaasunut ilaasut sinneri tamarmik Kalaallit Nunaanni najugaqartutut inuit nalunaarsorsimaffianni nalunaarsorsimassasut, Kalaallit Nunaannilu inuit aqqisa nalunaarsorsimaffianni qaammatisiutit ukiuini kingullerni marlunni nalunaarsorsimasimassallutik.
    Inuit pineqartut tamarmik Kalaallit Nunaannut tamakkiisumik akileraartartussaatitaassapput, qaammatisiutillu ukiuini kingullerni marlunni Kalaallit Nunaanni tamakkiisumik akileraartartussaatitaasimassallutik.

Aalisariarnerup aallartinnissaa sioqqullugu inuttat allattorsimaffiat KANUAANA-mut nassiutissavat. Allattuiffimmi ateq, atorfiup taaguutaa, inuup-normua, kommuni najugarisaq aamma ilinniagaqarsimanermut uppernarsaat ilisimatitsissutigissavatit.

Immersugassaq aasinnaavat uani.

Inuttat ukiuni kingullerni marlunni Kalaallit Nunaanni inuit allattorsimaffianni nalunaarsorneqarlutik najugaqarnersut, kiisalu ukiuni kingullerni marlunni Kalaallit Nunaanni tamakkiisumik akileraartarnersut KANUAANA-mit misissorneqassaaq.

Ilinniaqaqarneq pissutigalugu inuttaq ukiuni kingullerni marlunni Kalaallit Nunaaniissimanngippat qinnuteqareernikkut malittarisassanit immikkut akuersissuteqartoqarsinnaavoq.

Aamma atuaruk ...

Aalisarnermik, piniarnermik aallaaniarnermillu nakkutilliineq

Aalisarneq, piniarneq aallaaniarnerlu pillugit KANUAANA-p nakkutilliinermi suliai pillugit uani atuarsinnaavatit.

Aalisariutinik alapernaarsuineq

KANUAANA-p qaammataasakkut atortut iluaqutigalugit aalisariutit alapernaarsugarai. Angallatit aalajangersimasut inuussutissarsiutigalugu aalisarnermik ingerlatsiniarunik alapernaarsuinermut atortunik ikkussuinissamut pisussaaffeqarput

Aalisariutit inuttalersugaanerat

Uani kalaallit aalisariutaanni inuttat pillugit malittarisassat atuuttut atuarsinnaavatit

Tulaassinermik nakkutilliineq

Kingusinnerusukkut ikkunneqassaaq…

Nakkutilliinermi kisitsisit

KANUAANA-p suliai pillugit kisitsisit uani nassaarisinnaavatit. Nakkutilliinermi kisitsisit qaammatit pingasukkuutaarlugit naatsorsorneqartarput paasissutissallu piareeraangata nutarterneqartarlutik.

Scroll to Top