Sinerissap qanittuani avataanilu aalisarnermi assigiinngitsunik malittarisassaqarpoq. Nalunaarutiginnittarnermut malittarisassanut aamma angallatip angissusia apeqqutaasarpoq.

Sinerissap qanittuani aalisarneq

Kalaallit Nunaanni sinerissap qanittuani aalisarneq sinerissap aamma tunngaviusumik titarnerit 3 sømilinik avasinnerusup akornanni pisarpoq.

3 sømilit iluanni umiatsiaaqqat angallatillu 75 BRT/120 BT-mit mikinerit atorlugit aalisartoqarsinnaavoq. Malittarisassanilli taakkunannga pineqanngillat, assersuutigalugu angallatit anginerusut, raajarniarlutik uiluinnarlutilluunniit aalisartut, 3 sømilit iluanni aalisarsinnaatitaasut.

Angallatit mikinerusut sinerissap qanittuani saarullinnik saattuanillu aalisarsinnaanermut akuersissutillit tunngaviusumik titarnerit 3 sømilinik avasinnerusup avataani aalisarsinnaatitaapput. Sumiiffinni aalajangersimasuni ukiukkut sikumiit aalisarnermi aamma qimusseq qamuteralaallu atorneqarsinnaapput.

Sinerissap qanittuani aalisarnermi aalisakkanik pisanik nalunaaruteqartarnermi makkuninnga malittarisassaqarpoq:

• Pisanik tikiussanik nalunaarut. Inatsisitigut piumasaqaataavoq pisanik tikiussanik nalunaarut immersorlugu pisarisat nalunaarutigisarnissaat. Inuussutissarsiutigalugu aalisartut nalunaarutiginnittarnerat
• Umiarsuup allattaaviinik allattuisarneq. Aalisariutit 9,4 meterinik sinnerlugulunniit angissuseqarpat, angallammi umiarsuup allattaaviinut allattuissasutit inatsisitigut pisussaaffiuvoq. Takuuk Umiarsuup allattaaviinik allattuisarneq.

Avaasiorluni aalisarneq

Kalaallit Nunaanni avataasiorluni aalisarneq imartani tunngaviusumik killeqarfimmiit 3 sømilinik avasinnerusumiit Kalaallit Nunaanni aningaasaqarnikkut immikkut oqartussaaffigisaata killeqarfianut.

Avataasiorluni aalisarnermi aalisakkanik pisanik nalunaaruteqartarnermi makkuninnga malittarisassaqarpoq:

• Pisanik tikiussanik nalunaarut. Inatsisitigut piumasaqaataavoq pisanik tikiussanik nalunaarut atorlugu pisarisat nalunaarutigisarnissaat. Inuussutissarsiutigalugu aalisartut nalunaarutiginnittarnerat
• Umiarsuup allattaaviinik allattuisarneq. Aalisariut 9,4 meterinik sinnerluguluunniit angissuseqarpat, angallammi umiarsuup allattaaviinut allattuissasutit inatsisitigut pisussaaffiuvoq. Takuuk Umiarsuup allattaaviinik allattuisarneq.
• Angallat 75 BRT/120 BT-imik sinnerluguluunniit angissuseqarpat, angallatip sulerineranik nalunaaruteqartassaaq. Takuuk Nalunaaruteqartarnerit.