Angallatinut aalisariutinut tamakkiisumik takisusilinnut 17 meter anginerusulluunniit ERS atorlugu aalisarnermi nalunaaruteqartalernissaq 1. august 2021 piumasaqaataalerpoq. Nakkutilliinermut nalunaarut Naalakkersuisut nittartagaanni alakkarneqarsinnaavoq http://inatsisit.gl/ Nalunaarutip atuutilerneraniit angallatit tamarmik ERS-imik atuilernissaat kingusinnerpaamik qaammatinik arfinilinnik piffissaliisoqarpoq – tassa imaappoq kingusinnerpaamik ulloq 31. januar 2022. Grundet corona er denne frist udsat to måneder; altså til den 31. marts. Ulloq 1. august 2023 piumasaqaat annertusineqassaaq, angallatit aalisariutit 15 meter anginerusulluunniit ERS-imik atuilernissaannut ilanngunneqarlutik. Angallatit taakkunannga mikinerit namminneq aalajangissavaat ERS atulissanerlugu. KANUAANA´p ERS programmi isumagissavaa, qarasaasiaqarnissarli attaveqarsinnaanissarlu angallammik piginnittup akisussaaffigissavai. ERS programmi 50MB-tut imartutigaaq qarasaasianilu nutaajunerusuni Windows 10-mik nutaanerusumilluuniit ingerlatilimmik atorneqarsinnaavoq. Qarasaasiaq avammut attaveqarsinnaasariaqarpoq, taamaalilluni KANUAANA´p qarasaasiaqarfianut toqqaannartumik atassuserneqarsinnaalluni. Attaveqaqatigiinneq internettikkut imaluunniit KANUAANA-mit akuerineqarsimasumit qaammataasakkut attavikkut ingerlanneqarsinnaavoq. Attaviit ukua Thrane&Thrane (TT-3027), TT-3026), CLS (Triton, Thorium LEO100) KANUAANA-mit akuerineqarput. ERS programmi ikkussuunnerani, ikkussuutereernerata kingorna angallammut aalisarnermullu tulluarsarnerani nalinginnaasumillu atornissaanut ilitsersuinermi KANUAANA ikiuussinnaavoq. Angallatip ERS-imik atuilereernerata kingorna qaammatini pingasuni pappiaqqatigut nalunaarsuinerit saniatigut ingerlanneqarallassapput, taamaasilluni angallatini qarasaasiakkut nalunaarsuinermik suleriaatsit nutaat atuutilernerini ajornartorsiutaasinnaasut pissutigalugit paasissutissat pitsaassusaat innarlerneqannginnissaata qulakkeerneqarnissaa siunertaralugu. Nalunaarummi nutaami nalunaarnissamut malittarisassat ilisarnartumik suliaapput. Angallatini Kalaallit Nunaata imartaaniinnaq aalisartuni nalunaartarnissamut piffissaliussat imaalu pillugit immikkut malugeqquneqarput umiarsualivimmiit avalannermik nalunaarut (aalisalernermik nalunaarut taarserpaa), ullormut pisanik nalunaarut (sapaatip akunnikkaartumik nalunaarut aamma umiarsuup allattaavii pappiaqqat taarserpai) umiarsualivissinnermik nalunaarut (aalisarunnaarnermik nalunaarut taarserpaa). Immikkut maluginiarneqassaaq, angallatit tamarmik – aamma sivikinnerusumik angalasartut – nalunaartussaatitaanermut ilaammata.