Angallatit umiarsuup allattaaviinut immersuisussaatitaappat taava pappilissanut elektroniskiusumilluunniit umiarsuup allattaaviinik immersuisassaatit.

• Angallatit 9,4 meterit aamma 17 meterit akornnanni angissuseqarpat, taava pappiaqqatigut ullorsiutinik allattuisassaatit.
• Angallatit 17 meterisut qaangerluguluunniit angissuseqarpat, elektroniskiusumik ullorsiutinut allattuisassaatit.

Umiarsuup ullorsiutaanut allattuinissamik pisussaaffeqanngikkaluaruilluunniit piumassutsinnik nalunaarusiornissamut periarfissat atorluarsinnaavat.

Umiarsuup ullorsiutaanut elektroniskiusumik allattuineq

Elektroniskiusumik ullorsiutinut allattuisassaguit (e-logbog/ERS) KANUAANA attavigissavat.

Pappiaqqatigut ullorsiutinut allattuineq

Pappiaqqat atorlugit ullorsiutinut allattuisaruit, pappiaqqat KANUAANA-p akuerisai atussavatit taakkualu angalanermi ullut tamaasa ingerlaavartumik immersortassapput atsiorlugillu.

Ullut tamaasa kingusinnerpaamik nal. 23:59 umiarsualivimmut sumiiffimmiluunniit usingiarfimmut pinnginnermi ullorsiutinut immersuineq atsiornerlu pereertassapput. Imaani nakkutilliinermi umiarsuup ullorsiutai nutarterneqartassapput.

Angallat umiarsualivimmut tulanniariartoq, kingusinnerpaamillu 48 tiimit qaangiutsinnagit umiarsuarmut ullorsiutit marlunngorlugit (qaqortoq sungaartorlu) aqqutaanilu atorunnaarsitaqarpat ilanngullugit uunga nassiunneqassapput:

KANUAANA

Boks 501

3900 Nuuk

Ukiumi ingerlasumi ukiorlu kingulleq pappiaqqatigut allattaaviit assilinerat, aappalaartortaa, angallammiittuaannassapput. Assilinera tungujortoq umiarsuaatileqatigiiffimmut nassiunneqarsinnaavoq.

Ukiumi ingerlasumi ukiullu siuliani umiarsuup ullorsiutinut allattuiffiisa assilinerat angallammiittassapput.

Tunisigaangavit tunitsiviup pisanik allattaaviit naqissusertassavaa. Pisanik allattaaviup assilinera paariinnassavat, pisanillu allataavik tunitsiviup KANUAANA-mut nassiutissavaa.

Pisanik allattaavinnik immersugassat najukkani tunitsivimmut saaffiginninnikkut pissarsiariniassavatit. KANUAANA-muttaaq saaffiginnissinnaavutit, taassumalu pisanik allattaaviit nassiutissavai. Aalisakkanut artinut assigiinngitsunut aalisariaatsillu suussusianut pisanik allattaavinnut immersugassaqarpoq, taamaattumillu aalisagaq sorleq aalisarnerlugu suullu aalisaatit atornerlugit paasissutissiissutigissallugit eqqaamassavat.

Tassani pappialatigut umiarsuup ullorsiutaanut allattuinissamut ilitsersuut takusinnaavat.